أنطوان سليم نحاس

موضوع: أنطوان سليم نحاس 13.12.11 3:50

أنطوان سليم نحاس

أنطوان سليم نحاس مهندس معمارى و مصمم مبانى فى القاهره اتولد فى القاهرة سنة 1901 لأب كان بيمتلك مصنع للنسيج، اتوفي في بيروت في 15 نوفمبر 1966 ,اتلقى تعليمه فى مدرسة الفرير اللى بنى لها مبناها الجديد بعد كده في حى الظاهر ، و كمل تعليمه العالى في فرنسا فى كلية الفنون والصناعات فى باريس اللى اتخرج منها سنة 1930 ، وبعدها رجع مصر و اشتغل مدرس فى كلية الفنون الجميله وكان كبير المهندسين المعماريين لوزارة التربية والتعليم.
و حصل على الأستاذية في جامعه فؤاد (القاهرة حاليا) .
وفاته سنة 1966

أهم مشروعاته
- المتحف القومى فى بيروت
- مدرسة الفرير دى لاسال فى الظاهر فى القاهره
- كنيسة قصر الدوباره البروتستانيه ورا مجمع التحرير
- نادي الصيد المصرى فى الدقى فى الجيزه
- عمارة ليبون فى الزمالك اللى بتعتبر تحفه معماريه رائعه
- عمارة فريد الأطرش ، شارع النيل، الجيزة
- برج الجيزة (أبو الفتوح) ، شارع النيل، الجيزة
- عمارة عزيزة عبد الملك ، ميدان شيراتون الجيزة
- عمارة دوس (1935)، سليمان باشا مع شارع فؤاد
- عمارة فرانسوا تاجر، شارع كورنيش النيل ،قصر الدوباره
- عمارة الشمس ،قصر الدوباره
- عمارات مترى 14 و 16 شارع النباتات حى جاردن سيتى
- عمارة ليون ،شارع سليمان باشا مع شارع بهلر
- عمارة شوشة ، شارع فؤاد
- عمارة شقير ، 13 شارع شريف
- عمارة وهبة شوشة ، شارع شريف باشا قدام مبنى الاهرام القديم
- عمارة اللوا قدام مؤسسة الأوقاف
- مبنى المقاولون العرب في شارع عدلى
- عمارة انجو زاده (1938)، شارع رمسيس غمره

عمارة ليبون فى الزمالك

كنيسة قصر الدوباره وراء مجمع التحرير

مدرسة الفرير دى لاسال فى الظاهر